Avval biznes qayerda turganini oʻlchaymiz, keyin kimga, nima va qaysi kanal orqali taklif qilishni belgilaymiz. Natija — 12 oylik reja va har bir kanal uchun KPI.
Koʻp kompaniya reklamani «raqobatchi qilyapti» degan sabab bilan boshlaydi. Natijada byudjet bir nechta kanalga tarqaladi, hech birida yetarli maʼlumot yigʻilmaydi. Strategiya bu savollarga oldindan javob beradi: kim bizning mijozimiz, u nimani qidiradi, nima uchun bizni tanlaydi va bir sotuvga qancha xarajat qilish mumkin.
Audit natijasi — faktlarga asoslangan hisobot. Unda nima ishlayapti, nima ishlamayapti va qayerda mablagʻ yoʻqolayotgani koʻrsatiladi.
Mahsulot qatorlari, oʻrtacha chek, yalpi foyda ulushi, mavsumiylik, takroriy xaridlar. Bu maʼlumotsiz lid qiymati chegarasini hisoblab boʻlmaydi.
Raqobatchilarning takliflari, saytlari, reklama eʼlonlari, Instagram va Telegram kanallari. Biz nimada farq qilamiz va qayerda boʻsh joy bor.
Liddan bitimgacha konversiya, javob tezligi, yoʻqotilgan bitimlar sabablari. Koʻpincha muammo reklamada emas, sotuv jarayonida boʻladi.
Reklama kabinetlari tuzilmasi, kalit soʻzlar, auditoriyalar, kreativlar, sayt va landing tezligi.
GA4, Yandex Metrika, maqsadlar, UTM belgilari va CRM dagi manba maydonlari toʻgʻri ishlayaptimi.
Pozitsionlash — mijoz ongida kompaniyangiz egallaydigan aniq oʻrin. U bitta jumlada aytilishi va har bir reklamada takrorlanishi kerak.
Reja qatʼiy emas: har chorak oxirida natijalar koʻrib chiqiladi va keyingi chorak rejasi tuzatiladi.
| Chorak | Asosiy vazifa | Ishlar | Nazorat koʻrsatkichi |
|---|---|---|---|
| 1-chorak | Poydevor | Audit, kuzatuv, CRM manba maydonlari, asosiy qidiruv kampaniyalari | Har bir lidning manbasi maʼlum |
| 2-chorak | Test | Yangi kanallar va kreativlar testi, landinglar, kontent tizimi | Kanal boʻyicha CPL va lid sifati |
| 3-chorak | Kengaytirish | Ishlaydigan kanallarni kengaytirish, SEO kontent, qayta aloqa | CAC va sotuvga konversiya |
| 4-chorak | Mustahkamlash | Mavsumiy kampaniyalar, takroriy sotuv, keyingi yil rejasi | ROMI va takroriy xaridlar ulushi |
Byudjet modeli — bu summa emas, hisoblash mantiqi. U har bir kanalga qancha ajratish mumkinligini biznes iqtisodidan chiqaradi.
Davr uchun nechta yangi sotuv kerakligini belgilaymiz. Raqam savdo rejasidan olinadi.
CRM maʼlumotidan: necha liddan bitta uchrashuv, necha uchrashuvdan bitta sotuv chiqadi. Shu orqali kerakli lidlar soni topiladi.
Bitta mijozdan olinadigan yalpi foyda va LTV asosida bitta mijozni jalb qilishga sarflash mumkin boʻlgan chegara belgilanadi.
Byudjet asosiy kanallar va test kanallari oʻrtasida boʻlinadi. Test qismi yangi gʻoyalarni tekshirish uchun alohida saqlanadi.
Haqiqiy CPL va konversiyalar rejadan farq qilsa, model yangilanadi va mablagʻ samarali kanalga koʻchiriladi.
Barcha hujjatlar jamoangiz keyin ham foydalana oladigan shaklda topshiriladi.
Joriy holat, raqobatchilar tahlili, voronka yoʻqotishlari va oʻsish nuqtalari ustuvorlik boʻyicha.
Segmentlar, pozitsiya, kanallar va choraklik reja. Har bir ish uchun masʼul va muddat.
Kanal boʻyicha maqsadli koʻrsatkichlar va byudjetni hisoblash jadvali.
Rubrikalar, formatlar va nashr jadvali. Batafsil — Kontent va SMM sahifasida.
Bu xatolarni audit bosqichida koʻp uchratamiz.
Kuzatuv sozlanmagan boʻlsa, strategiya taxminlar bilan yoziladi. Shuning uchun birinchi chorakda analitikani tartibga keltiramiz.
Reklama kabinetlari, sayt va CRM ni tekshirib, oʻsish nuqtalarini aniq roʻyxat bilan koʻrsatamiz.