Rahbar odatda qoʻngʻiroqlarning kichik qismini tinglaydi. AI agent barcha yozuvlarni matnga aylantiradi, skript boʻyicha baholaydi va faqat muammoli suhbatlarni xodimga koʻrsatadi.
IP-telefoniya barcha suhbatlarni yozib oladi, lekin rahbarda ularni tinglashga vaqt yoʻq. Natijada menejer xatosi oylar davomida takrorlanadi. Qoʻngʻiroqlar tahlili agenti yozuvni matnga aylantiradi, kim gapirganini ajratadi va suhbatni chek-list boʻyicha baholaydi. Xulosa va baho CRM dagi bitimga yoziladi.
Tahlil qoʻngʻiroq tugaganidan keyin avtomatik boshlanadi.
Yozuv fayli va qoʻngʻiroq maʼlumoti (raqam, menejer, davomiylik) CRM ga tushadi.
Audio oʻzbek yoki rus tilidagi matnga aylanadi, soʻzlovchilar ajratiladi.
Matn kompaniya skripti boʻyicha tekshiriladi, har bir band uchun dalil — matndan iqtibos keltiriladi.
Qisqa xulosa, baho, keyingi qadam va eʼtirozlar bitim izohiga yoziladi. Kelishilgan qadam uchun vazifa yaratiladi.
Past baho, shikoyat yoki «xavfli» soʻzlar boʻlgan qoʻngʻiroqlar rahbarga alohida roʻyxatda keladi.
Ommaviy xizmatlar oʻzbek tilini qoʻllaydi, lekin sifat telefon liniyasi va shevaga qarab keskin farq qiladi.
Viloyat shevalari, gap ichida oʻzbek va rus soʻzlarining aralashishi, shovqinli yoki past sifatli telefon liniyasi — bularning barchasi xatolarni koʻpaytiradi. Shuning uchun xizmatni tanlashdan oldin sizning 50–100 ta yozuvingizda soʻz xatolari ulushini qoʻlda oʻlchaymiz va eng kam xato bergan variantni tanlaymiz.
Texnik sifat va biznes natijasi alohida oʻlchanadi.
| Koʻrsatkich | Hisoblash | Turi |
|---|---|---|
| Soʻz xatolari ulushi (WER) | Qoʻlda tekshirilgan namunada notoʻgʻri soʻzlar | Texnik |
| Baho mosligi | AI bahosi va nazoratchi bahosi mos kelgan qoʻngʻiroqlar | Texnik |
| Tahlil qamrovi | Tahlil qilingan qoʻngʻiroqlar / barcha qoʻngʻiroqlar | Jarayon |
| Skript bajarilishi | Menejer boʻyicha oʻrtacha chek-list bahosi | Biznes |
| Fikr-mulohaza tezligi | Qoʻngʻiroqdan menejerga izoh berilgunga qadar vaqt | Biznes |
Texnik ulanishdan tashqari, huquqiy va tashkiliy tayyorgarlik kerak.
Buni tavsiya qilmaymiz. AI bahosi suhbatni tanlash va murabbiylik uchun vosita. Intizomiy qaror faqat odam tinglagan yozuv asosida qabul qilinadi.
Telefoniya integratsiyasi yozuvni bitim kartochkasiga qoʻyadi. Agent yozuvni oladi, tahlil qiladi va xulosani izoh hamda maydonlarga yozadi.
Xuddi shu usul Telegram va Instagramdagi yozishmalarga ham qoʻllanadi: javob tezligi, skript bajarilishi, javobsiz qolgan murojaatlar. Kunlik hisobot rahbarga Telegram orqali keladi.
Har bir qoʻngʻiroq xulosasi bitim kartochkasida, umumiy koʻrsatkichlar esa menejerlar boʻyicha haftalik jadvalda. Rahbar past bahoni bosib, kerakli qismni darhol eshitadi.
Bu tanlangan xizmatga bogʻliq: bulutli xizmat yoki oʻz serveringizdagi model. Tanlov shaxsga doir maʼlumotlar talablari bilan birga loyiha boshida kelishiladi.
Jarayonlaringizni koʻrib chiqamiz va birinchi agent uchun aniq vazifa, KPI va reja tavsiya qilamiz.