Ofitsiant buyurtmani kiritadi, oshxona uni ekranda koʻradi, sotuv ombor hisobiga tushadi, smena yopilganda kassa hisob bilan solishtiriladi. Soliq cheki va taom retsepti esa alohida masala: ularni ochiq yozamiz.

Bepul diagnostika Odoo: umumiy koʻrinish

Stollar va zalOshxona ekraniBronYetkazib berishRetsept va omborSoliq cheki

Muammolar

Restoranda har kuni takrorlanadigan toʻsiqlar

Restoran bir vaqtning oʻzida ikki joyda ishlaydi: zalda va oshxonada. Ular orasidagi uzilish kechikish, isrof va tortishuv beradi.

Zal va oshxona

Buyurtma oshxonaga qogʻozda yoki ogʻzaki yetadi va yoʻlda yoʻqoladi
Stol holati (band, bron, hisob kutmoqda) ofitsiantning xotirasida turadi
Hisobni boʻlish va stollarni birlashtirish qoʻlda hisoblanadi

Ombor va taom tannarxi

Taom tannarxi taxminiy: ingredient sarfi ombordan chiqmaydi
Muddati yaqin xomashyo oshxonada kech topiladi
Hisobdan chiqarish (kuygan, qaytarilgan, eskirgan) sababsiz yoziladi

Kassa va filiallar

Smena oxirida naqd pul farqining sababi topilmaydi
Yetkazib berish platformalaridan buyurtma qoʻlda kiritiladi
Filiallar tushumi va xarajati Excel da yigʻiladi

Sanoat paketlari

Tayyor sanoat paketi bormi: Odoo restoran uchun nimani eʼlon qilgan

Odoo S.A. ovqatlanish sohasi uchun sanoat paketlarini Apps Store da eʼlon qiladi. Odoo ularni «tayyor sozlangan baza» deb taʼriflaydi. Hospitality toifasida (Odoo 20 qatori, 2026-yil 25-oktyabrdagi koʻrinish) «Fine Dining Restaurant», «Fast Food», «Bar & Pub», «Takeaway Restaurant», «Food Trucks» va «Catering» bor.

Fine Dining paketi sahifada bron, buyurtma, ombor va xodimlarni qamraydi deb tasvirlangan. Uning bogʻliqliklari orasida Restaurant (POS), Appointments, Planning, Purchase, Employees, Attendances, Website va Project bor. Fast Food paketi kassa, telefon orqali buyurtma, kiosk yoki QR orqali oʻzi buyurtma berish, oshxona ekrani, smena rejasi va xaridni birlashtiradi. Catering paketi taklif, menyu rejasi va joyidagi logistikani qamraydi: har bir tadbir (event) uchun.

Uchala paket sahifasida ham bir shart bor: paket Odoo Enterprise talab qiladi. Mavjudlik: Odoo Online, Odoo.sh va oʻz serveri. Odoo ning restoran sanoat sahifasi esa alohida paketni tilga olmaydi, faqat ilovalarni sanaydi: Point of Sale, Purchase, Appointments, Inventory, Planning va Website.

Paket — boshlangʻich sozlama, tayyor yechim emas: menyu, soliq, kassa va tannarx qoidalari sizniki
Mamlakat lokalizatsiyasi paketlarga kirmaydi: Fast Food sahifasida bu aniq yozilgan
Soliq cheki, mahalliy toʻlov va yetkazib berish platformalari paketdan tashqarida va alohida baholanadi
Hosting turi: Online, Odoo.sh yoki oʻz serveri

—

Odoo da

Restoran ishini qaysi ilovalar yopadi

Asos — restoran kassasi. Qolganlari uni oshxona, ombor, xarid va hisob bilan bogʻlaydi. Qaysi ilovalar kerakligi diagnostikada aniqlanadi.

Restoran kassasi (POS Restaurant)

Qavat rejasi, stollar, buyurtma, kurslar, hisobni boʻlish, choy puli, taomni vaqtincha menyudan yashirish (Odoo 20).

Oshxona ekrani (Preparation display)

Buyurtma kategoriya boʻyicha oshxona yoki bar ekraniga tushadi; bosqichlar va kechikish belgisi bor.

Bron (Appointments)

Stolni oldindan band qilish, resurs va sigʻim. Bron qavat rejasida koʻrinadi. Enterprise tarkibida.

Ombor

Xomashyo qabuli, ichki koʻchirish, inventarizatsiya va hisobdan chiqarish.

Yaroqlilik muddati

Partiya (lot) boʻyicha muddat, ogohlantirish sanasi, muddati yaqin xomashyoni birinchi sarflash (FEFO).

Xarid

Minimum qoldiq qoidasi, yetkazib beruvchiga taklif soʻrovi va buyurtma.

Ishlab chiqarish (Manufacturing)

Sous, xamir, marinad kabi tayyorlamalar: spetsifikatsiya (BoM) va ishlab chiqarish buyurtmasi.

Rejalashtirish

Ofitsiant, oshpaz va kassirni smenaga qoʻyish. Enterprise tarkibida.

Hisob

Kassa jurnali, smena yopilganda buxgalteriya yozuvi, yetkazib beruvchi hisobi, korporativ mijozga hisob-faktura.

Xizmat jarayoni

Menyudan smenani yopishgacha: sakkiz qadam

Har qadam Odoo ichida hujjat qoldiradi. Zal, oshxona va hisob bir xil buyurtmaga qaraydi.

01Menyu

Taomlar kategoriyaga qoʻyiladi, kombo (set) tuziladi. Zalda yeyish va olib ketish uchun soliq sozlamasi alohida belgilanadi.

02Zal

Qavat rejasida stollar chiziladi. Katta guruh uchun stollar sudrab birlashtiriladi, ular bitta buyurtmaga ulanadi va toʻlovdan keyin joyiga qaytadi.

03Buyurtma

Ofitsiant stolni tanlab taom qoʻshadi. Kurslar qoʻlda yoki kategoriya boʻyicha avtomatik belgilanadi. Odoo 19 dan oʻzi buyurtma berishda allergen boshqaruvi bor.

04Oshxona

«Send» bosilganda birinchi kurs oshxona ekraniga tushadi. Keyingi kurslar «Pending» turadi va ofitsiant «Fire» bosganda chiqadi. Ekran yoʻq joyda tarmoqli oshxona printeri ishlaydi.

05Hisob

Hisob mehmonlar orasida boʻlinadi: har sub-buyurtma alohida toʻlanadi. Choy puli alohida mahsulot sifatida yoziladi; Odoo 20 da xizmat haqini qoʻshish imkoni ham bor.

06Toʻlov va chek

Naqd, karta yoki QR. Odoo cheki ichki hujjat, soliq cheki esa reyestrdagi kassa vositasidan chiqadi.

07Ombor va sarf

Xomashyo muddati lot bilan nazorat qilinadi, yaroqsiz mahsulot sababi bilan hisobdan chiqariladi. Sotilgan taom sarfi retsept yoʻliga bogʻliq (pastda).

08Smena va hisobot

Kassir pulni sanaydi, farq chegaradan oshsa menejer tasdiqlaydi. Rahbar sessiya, toʻlov usullari va taomlar boʻyicha tushumni koʻradi; Odoo 19 dan tayyorlash vaqti hisoboti ham bor.

Eng koʻp soʻraladigan savol

Taom sotilganda ingredient ombordan chiqadimi

Halol javob: Odoo ning restoran hujjatida taom sotilganda ingredient sarfini yozish tasvirlanmagan. Odoo ning restoran sanoat sahifasi ham retsept yoki ingredientni tilga olmaydi. Spetsifikatsiya (BoM) va ishlab chiqarish buyurtmasi Manufacturing ilovasida bor, lekin ularning kassa bilan bogʻlanishi rasmiy restoran hujjatida yoritilmagan.

Yoʻl uchta, tanlov jarayoningizga bogʻliq. Birinchisi: tayyorlamalar (sous, xamir, marinad) uchun ishlab chiqarish buyurtmasi; kassa tayyor taomni sotadi, sarf esa davriy inventarizatsiya bilan tekshiriladi. Ikkinchisi: komplekt (Kit) turidagi spetsifikatsiya. Hujjatga koʻra, kit sotilganda buyurtmada bitta qator turadi, yetkazishda esa komponentlar yoziladi; bu kassada qanday ishlashi sinov bazasida tekshiriladi. Uchinchisi: Apps Store dagi uchinchi tomon modullari. 2026-yil 25-oktyabrdagi «ingredient» qidiruvi 19.0 qatorida 34 ta ilovani koʻrsatdi, ularning orasida kassa mahsulotini spetsifikatsiya bilan bogʻlaydiganlari bor. Sifati har birida alohida tekshiriladi; Odoo Online ular bilan mos emas.

Qonun tomoni: umumiy ovqatlanish qoidalariga koʻra, korxona taomlar retsepturasini tuzadi va tasdiqlaydi. Kalkulyatsiya kartochkasini yuritish majburiy emas, u ichki foydalanish uchun va narx belgilashga asos boʻlmaydi (Vazirlar Mahkamasining 75-son qarori, 2-ilova, 15-band).

Tayyorlamalar uchun ishlab chiqarish buyurtmasi: spetsifikatsiya va ishlab chiqarish buyurtmasi
Muddatli xomashyo: lot va yaroqlilik muddati
Tannarx tahlili sizning menyu va retsept hajmingizga qarab baholanadi

—

Gipotetik kecha

Juma kechasi: bron, birlashtirilgan stollar va boʻlingan hisob

Misol shartli, raqamlarsiz. Restoranda uchta stol birlashtirilgan oilaviy ziyofat bor. Bron avval Booking orqali kiritilgan va qavat rejasida koʻrinadi.

Mehmonlar kelganda ofitsiant bron stolini ochadi; uchta stol sudrab birlashtiriladi va bitta buyurtma ostida turadi
Salatlar birinchi kurs sifatida oshxona ekraniga tushadi, asosiy taomlar «Pending» turadi va mehmonlar tayyor boʻlganda «Fire» bosiladi
Mehmonlardan biri allergiya haqida aytadi: izoh buyurtma qatorida oshxonaga yetadi
Oxirida hisob ikki mehmon orasida boʻlinadi, har sub-buyurtma alohida toʻlanadi
Kechki smena yopilganda naqd pul farqi chegaradan oshsa, menejer tasdiqlamaguncha kassa yopilmaydi

—

Halol qamrov

Odoo standartida nima bor va nimani qoʻshamiz

Zal va oshxona qismi tayyor ilovalarda bor. Retsept sarfi, soliq cheki va mahalliy platformalar alohida ish. Maʼlumotlar Odoo 19 va 20 hujjatlari hamda yangiliklari boʻyicha; sizning versiyangizda farq boʻlsa, diagnostikada tekshiramiz.

Vazifa	Odoo standartida	Qoʻshimcha ish (BUline)
Stollar, qavat rejasi, stollarni birlashtirish	Bor: POS Restaurant, qavat muharriri, sudrab birlashtirish	Zal tuzilmasi, stol raqamlari, rollar
Oshxonaga yuborish	Bor: oshxona ekrani (brauzerda ishlaydi, IoT Box qoʻllab-quvvatlanmaydi, 19.0 hujjati) yoki tarmoqli printer	Kategoriya boʻyicha marshrut: oshxona, bar, desert; bosqichlar
Kurslar	Bor: qoʻlda yoki kategoriya boʻyicha, «Fire» bilan chiqarish	Kategoriyalarni kurslarga bogʻlash, ofitsiant yoʻriqnomasi
Stolni band qilish	Bor: POS dagi Booking; Appointments (Enterprise) resurs va sigʻim bilan	Bron qoidalari, bekor qilish muddati, bildirishnoma
QR-menyu va oʻzi buyurtma berish	Bor: «QR menu», «QR menu + Ordering», «Kiosk». Kioskda terminal faqat Adyen, Stripe, Viva.com; naqd pul qoʻllab-quvvatlanmaydi	Menyu sozlash, mahalliy toʻlov usulini sinash
Hisobni boʻlish, choy puli	Bor; Odoo 20 da xizmat haqi ham qoʻshiladi	Choy puli va xizmat haqi qoidasini siyosatingizga moslash
Zalda yeyish, olib ketish, yetkazib berish	Bor: presetlar va turli soliq pozitsiyasi	Soliq pozitsiyasini buxgalter bilan tasdiqlash
Retsept va ingredient sarfi	Restoran hujjatida tilga olinmagan	Yuqoridagi uch yoʻldan biri, baholanadi
Yaroqlilik va FEFO	Bor: lot, toʻrt sana, FEFO. Odoo 20 kassasi muddati oʻtgan mahsulotda ogohlantiradi	Qaysi xomashyo guruhiga kuzatuv yoqish
Yetkazib berish platformalaridan buyurtma	Hujjatda mahalliy platforma yoʻq. Odoo yangiliklarida GoFood, GrabFood va UrbanPiper integratsiyalari tilga olingan (boshqa bozorlar uchun)	Platforma bilan kelishuv va integratsiya, baholanadi
Soliq cheki (onlayn yoki virtual kassa)	Yoʻq: Odoo hujjatlarida Oʻzbekiston fiskal moduli bilan ulanish tilga olinmagan	Reyestrdagi kassa vositasiga ulanish yoki boshqa sxema. Kassa sahifasi

Oʻzbekiston talablari

Restoran va kafe uchun mahalliy talablar

Quyidagilar rasmiy manbalardan tekshirilgan. Sizning obyekt turingizga tegishlisini diagnostikada yozma roʻyxatga olamiz.

Kassa va chek

Naqd tushumi bor obyekt reyestrdagi onlayn yoki virtual kassadan foydalanadi (943-son qaror, PF-5813)
Umumiy ovqatlanish qoidalariga koʻra, naqd hisob-kitob kassa orqali boʻladi; stolda xizmat koʻrsatishda mehmonga ofitsiant hisobi yoki kassa cheki beriladi (75-son qaror, 2-ilova, 13- va 14-bandlar)
Har obyektda bank kartasi bilan toʻlovni qabul qilish imkoni boʻlishi kerak (14-band)
Batafsil: onlayn kassa, virtual kassa va E-POS

Yangi taqiq: 2026-yil 22-oktyabrdan

943-son qaror 4-bandining yangi tahriri (Vazirlar Mahkamasining 2026-yil 20-iyuldagi 393-son qarori) 2026-yil 22-oktyabrdan kuchda
Unga koʻra umumiy ovqatlanish korxonalari soliq organlari axborot tizimlari bilan integratsiya qilinmagan avtomatlashtirilgan hisob vositalari yoki buyurtmalar hisobi dasturlaridan foydalana olmaydi
Odoo kassasi bu taʼrifga tushish-tushmasligini soliq xizmatidan yozma aniqlaymiz. Javobgacha kassa sxemasi tasdiqlanmaydi
Ikki yoʻl bor: reyestrdagi kassa vositasi bilan ulanish yoki Odoo ni kassadan tashqarida (ombor, xarid, hisob) ishlatish. Tanlov yozma javobdan keyin

Taomnoma, alkogol, tayyorlash

Isteʼmolchiga firma nomi, STIR va ularni skanerlash uchun QR-kod, taomlar roʻyxati va tayyor taom porsiyasining umumiy vazni (hajmi) haqida maʼlumot beriladi (2-ilova, 8-band)
Alkogolli ichimlik olib chiqib ketish uchun sotilmaydi (19-band). 21 yoshgacha boʻlganlarga alkogol sotish taqiqi chakana savdo qoidalarida (1-ilova, 60-band)
Oldingi kundan qolgan goʻsht, maydalangan baliq mahsulotlari, makaron, qayla va yorma mahsulotlaridan foydalanish taqiqlanadi (22-band)
Markirovkali mahsulot (tamaki, alkogol, pivo, suv va salqin ichimliklar) sotilsa, raqamli markirovka kodini oʻqiy oladigan qurilma kerak. Asl Belgisi qoidalari

Soliq va maʼlumot

QQS asosiy stavkasi — 12 foiz (Soliq kodeksi, 258-modda). Odooning rasmiy Oʻzbekiston lokalizatsiyasi (Buxgalteriya sozlamalarida Fiscal Localization → «uz Uzbekistan» paketi) 12 foizli soliqni beradi
Chek va hisob-fakturada MXIK kodi koʻrsatiladi, kodning dastlabki 11 xonasi asos kodga mos kelmasa, kod nomuvofiq hisoblanadi. MXIK qanday ishlaydi
Ixtiyoriy 6% li QQS rejimi (PF-100, 2026-yil 26-may; 2026-yil 1-iyundan 2030-yil 1-yanvargacha): savdo, umumiy ovqatlanish va xizmat subyektlari uchun. Barcha aylanmaga 6%, foyda soligʻi 0%, xaridga toʻlangan QQS hisobga olinmaydi, kirish uchun aylanma chegarasi farmonda yoʻq. Qoʻllanishini buxgalter tasdiqlaydi; Odoo lokalizatsiya hujjatida bu rejim tilga olinmagan
Mehmon telefoni va bron maʼlumoti shaxsga doir maʼlumot: baza qayerda turishi kerak

Integratsiyalar

Restoranga ulanadigan tizimlar

Har bir ulanish alohida baholanadi va ulanadi. Tayyor «konnektor bor» deb vaʼda bermaymiz.

Kassa va soliq cheki

Reyestrdagi kassa vositasi va uning API si. E-POS oʻz saytida chek chiqarish, qaytarish va holat soʻrovi uchun REST API ni tavsiflaydi
E-POS ning Odoo bilan ulanishi ularning sahifasida tilga olinmagan, tayyor modul tasdiqlanmagan
Karta terminali: Uzcard va HUMO Odoo hujjatida nomlanmagan, sinov kerak

Yetkazib berish platformalari

Yandex Eats, Wolt, Uzum Tezkor kabi platformalar bilan buyurtma almashish Odoo hujjatlarida tasvirlanmagan
Ularning ochiq API hujjati tasdiqlanmadi: shartlarni platformadan yozma soʻraymiz

Toʻlov, qurilma, hujjat

QR-toʻlov, Click va Payme: toʻlov tizimlari va Odoo
Korporativ mijozga elektron hisob-faktura: elektron hujjat va soliq

Rahbar uchun

Kun yakunida nimani koʻrasiz

Hisobotlar alohida jadvalga koʻchirilmaydi: ular shu bazadagi sessiya, buyurtma va ombor hujjatlaridan hosil boʻladi.

Zal va kassa

Sessiya hisoboti: kim ochgan, qaysi buyurtmalar bajarilgan
Toʻlov usullari boʻyicha tushum

Oshxona va ombor

Xomashyo qoldigʻi va minimumdan past pozitsiyalar
Muddati yaqin va oʻtgan lotlar

Filiallar

Filial kesimida tushum va buyurtmalar
Kassa farqi kassa va smena kesimida

BUline usuli

Restoranda qanday joriy qilamiz

Bosqichlar umumiy BUline usuliga mos. Muddat diagnostikadan keyin yozma kelishiladi. Joriy qilish tartibi →

01Diagnostika1–2 hafta

Zal va oshxona jarayoni, menyu tuzilmasi, joriy kassa vositasi va dastur, yetkazib berish platformalari, tayyorlama va retsept hisobi oʻrganiladi. Soliq xizmatiga yozma savollar tayyorlanadi. Natija: biznes-talablar xaritasi (BRD).

02Arxitektura1–3 hafta

Paket yoki ilovalar toʻplami, kassa sxemasi (yozma javobdan keyin), retsept yoʻli, ombor tuzilmasi va hosting turi tasdiqlanadi.

03Sinov va sprintlar8–16 hafta

Avval bitta zal yoki bitta filialda haqiqiy xizmat bilan pilot: stol, oshxona, kassa, smena yopish. Soʻng qolgan filiallar.

04Oʻqitish

Ofitsiant, kassir, oshpaz, omborchi va menejer rollar boʻyicha oʻqitiladi; mashq sizning menyu maʼlumotingizda. Yoʻriqnoma va videodarslar beriladi.

05Hamrohlik30 kun + doimiy

Ishga tushgandan keyin 30 kun kuchaytirilgan yordam, soʻng kelishilgan doimiy hamrohlik: yangi filial, menyu oʻzgarishi, hisobotlar.

Tayyorgarlik

Boshlashdan oldin nimani yigʻish kerak

Bu roʻyxat diagnostikani tezlashtiradi. Hammasi tayyor boʻlmasa ham boshlash mumkin.

Obyekt va menyu

Zallar, qavatlar, stollar soni va filiallar roʻyxati
Menyu: kategoriyalar, kombo, kurslar
Tayyorlamalar (sous, xamir) roʻyxati

Qurilma va hujjat

Joriy kassa vositasi va xizmat markazi bilan shartnoma
Oshxona printeri yoki ekran, internet sifati
Yetkazib berish platformalari bilan shartnomalar

Qoidalar va hisob

Retsept (texnologik karta) bormi va kim yuritadi
Bron, bekor qilish va choy puli tartibi
Hisobdan chiqarish sabablari va naqd farqini tasdiqlovchi

Xatolar

Koʻp uchraydigan xatolar va oldini olish

Xato	Oqibati	Qanday oldini olamiz
Ingredient sarfi yoʻlini boshida hal qilmaslik	Tannarx va ombor hisobi mos kelmaydi	Retsept yoʻlini diagnostikada tanlash va sinov bazasida tekshirish
Hamma xomashyoga muddat kuzatuvini yoqish	Qabulda qoʻshimcha kiritish koʻpayadi	Faqat tez buziladigan guruhlarga yoqish
Kassa sxemasini soliq xizmati bilan kelishmay qurish	Sxema yangi taqiqqa tushib qolishi mumkin	Yozma javobni arxitektura bosqichigacha olish
Oshxona ekrani aloqa uzilganda qanday ishlashini sinamaslik	Pik paytda oshxona buyurtmasiz qolishi mumkin	Uzilishni sinov bazasida oʻtkazib, zaxira tartibni yozish
Kurslarni kategoriyalarga bogʻlamaslik	Hamma taom birdan chiqadi	Kategoriya–kurs bogʻlash va «Fire» tartibini ofitsiantga oʻrgatish

Savol-javob

Koʻp beriladigan savollar

Odoo da restoran uchun tayyor paket bormi?

Bor. Odoo S.A. Apps Store da «Fine Dining Restaurant», «Fast Food», «Bar & Pub», «Takeaway Restaurant» va «Catering» paketlarini eʼlon qiladi. Ular tayyor sozlangan baza, Enterprise talab qiladi va Odoo Online da ham mavjud. Mamlakat lokalizatsiyasi, soliq cheki va mahalliy platformalar paketga kirmaydi.

Oshxona ekrani yoki printer: qaysi biri kerak?

Ikkalasi ham bor. Oshxona ekrani brauzerda ishlaydi: telefon yoki USB/HDMI ulangan sensorli ekran yetadi, IoT Box qoʻllab-quvvatlanmaydi (Odoo 19.0 hujjati). Printer tarmoqda IP manzil bilan ulanadi va zaxira vazifasini bajaradi.

Taom sotilganda ingredient ombordan chiqadimi?

Restoran hujjatida bu tasvirlanmagan. Yoʻllari: tayyorlamalar uchun ishlab chiqarish buyurtmasi, komplekt (Kit) spetsifikatsiyasi yoki uchinchi tomon moduli. Qaysi biri jarayoningizga mosligini sinov bazasida hisob-kitob bilan koʻrsatamiz.

Stolni mijoz oʻzi onlayn band qila oladimi?

Restoran sahifasida Odoo onlayn bronni Appointments orqali tavsiflaydi, bron qavat rejasida koʻrinadi. Appointments Enterprise tarkibida. Bron qoidalari (sigʻim, bekor qilish muddati, avans) diagnostikada kelishiladi.

Odoo kassasi soliq talabiga mosmi?

Odoo kassasi buyurtma, stol va toʻlovni yuritadi, soliq chekini esa reyestrdagi kassa vositasi beradi. 943-son qaror 4-bandining yangi tahriri umumiy ovqatlanish korxonalariga integratsiya qilinmagan hisob dasturlarini taqiqlaydi. Odoo kassasining bu taʼrifga tushishini soliq xizmatidan yozma aniqlaymiz. Kassa sahifasi →

Yetkazib berish platformalari bilan ulanadimi?

Odoo hujjatlarida mahalliy platformalar yoʻq; Odoo yangiliklaridagi integratsiyalar (GoFood, GrabFood, UrbanPiper) boshqa bozorlar uchun. Yandex Eats, Wolt yoki Uzum Tezkor bilan buyurtma almashish ularning hamkorlik shartlariga bogʻliq. Diagnostikada platformadan yozma javob olamiz va ulanish yoʻlini baholaymiz.

Odoo Online, Odoo.sh yoki oʻz serveri?

Odoo Online uchinchi tomon va maxsus modullar bilan mos emas. Soliq cheki, platforma yoki ingredient moduli kerak boʻlsa, Odoo.sh yoki oʻz serveri tanlanadi. Sanoat paketlari esa Online da mavjud. Hosting turlari →

Xizmat qancha turadi va qancha vaqt oladi?

Odoo litsenziyasi foydalanuvchilar soni va ilovalarga bogʻliq (shartlar odoo.com da). BUline xizmati hajmi zallar va stollar soni, filiallar, ilovalar, kastomizatsiya, integratsiyalar, maʼlumot hajmi va oʻqitishga bogʻliq. Aniq xarajat va muddat bepul diagnostikadan keyin yozma taklifda beriladi.

Manbalar

Maʼlumot manbalari

Odoo

Bogʻliq boʻlimlar

SohalarIshlab chiqarish va agro-qayta ishlashOdoo ishlab chiqarish sohalari uchun SohalarChakana savdo va e-commerceOdoo doʻkon, kassa va onlayn savdo uchun SohalarUlgurji va distribyutsiyaOdoo ulgurji savdo va distribyutorlar uchun SohalarMehmonxona va ovqatlanishOdoo restoran, kafe va mehmonxona uchun

Bepul diagnostika

Odoo da qaysi ilovalardan boshlash kerakligini birga aniqlaymiz

Diagnostikada jarayonlaringizni koʻrib chiqamiz va Odoo standarti qayerda yetarli, qayerda sozlash kerakligini aytamiz — ilovalar roʻyxati, versiya va bosqichlar bilan.

Ariza qoldirish Telegram orqali yozish YOKI QOʻNGʻIROQ QILING+998 77 275 36 15

Bepul diagnostika

Savdo

Ombor va ishlab chiqarish

Boshqaruv

Texnologiya

Oʻzbekiston

BUline bilan

Ilovalar

Platforma

Oʻzbekiston uchun

BUline bilan

BUline xizmatlari

Savdo va avtomatlashtirish

Aloqa kanallari

Nazorat va AI

Integratsiyalar

BUline bilan

Asoslar

Yoʻnalishlar

Amaliyot

Strategiya va kontent

Reklama kanallari

Organik oʻsish

Oʻlchov va analitika

Savdo va mijozlar

Operatsiyalar

Ichki ish

Tamoyillar

Продажи

Склад и производство

Управление

Технологии

Узбекистан

С BUline

Приложения

Платформа

Для Узбекистана

С BUline

Услуги BUline

Продажи и автоматизация

Каналы связи

Контроль и AI

Интеграции

С BUline

Основы

Направления

Практика

Стратегия и контент

Рекламные каналы

Органический рост

Измерение и аналитика

Продажи и клиенты

Операции

Внутренняя работа

Принципы

Sales

Inventory and manufacturing

Management

Technology

Uzbekistan

With BUline

Apps

Platform

For Uzbekistan

With BUline

BUline services

Sales and automation

Communication channels

Control and AI

Integrations