Doʻkon kassasi, sayt va marketpleys bitta qoldiq va bitta buyurtma tarixiga tayanadi. Uch asosiy yoʻnalish alohida sahifalarda yoritilgan; kiyim, uy-roʻzgʻor va goʻzallik doʻkonlari esa shu sahifada.

Bepul diagnostika Odoo: umumiy koʻrinish

KassaInternet-doʻkonVariantlarSodiqlikQaytarishYaroqlilik muddati

Alohida sahifalar

Chakana savdoning uch asosiy yoʻnalishi

Bu yoʻnalishlar uchun sohaga xos jarayonlar va Oʻzbekiston talablari alohida sahifada batafsil yoritilgan. Pastda esa uch doʻkon turi: kiyim, uy-roʻzgʻor va goʻzallik.

Kassa va POS

Smena va naqd pul nazorati, qaytarish, sodiqlik, oflayn rejim va soliq cheki talablari. Kassa sahifasi →

Internet-doʻkon va koʻp kanalli savdo

Real qoldiq, yetkazib berish, mahalliy toʻlov va marketpleys ulanishi, elektron tijorat qonuni. Internet-doʻkon sahifasi →

Supermarket va oziq-ovqat doʻkonlari tarmogʻi

Koʻp filial, markaziy xarid, yaroqlilik muddati, sodiqlik va markirovka. Tarmoq sahifasi →

Odoo da

Chakana savdo uchun asosiy ilovalar

Qaysi ilovalar kerakligi doʻkon turiga qarab diagnostikada aniqlanadi. Shtrix-kod, Rejalashtirish va qurilmalar (IoT) Enterprise nashrida.

Kassa (Point of Sale)

Sotuv ekrani, smena, qaytarish, sodiqlik, oflayn rejim.

Onlayn doʻkon (eCommerce)

Katalog, savat, yetkazib berish; buyurtmani doʻkondan olib ketish (click & collect).

Ombor

Variant boʻyicha qoldiq, bir nechta ombor, inventarizatsiya.

Shtrix-kod (Barcode)

Skaner bilan qabul, koʻchirish va sanash. Enterprise tarkibida.

Xarid

Minimum qoldiq qoidasi, yetkazib beruvchi shartlari, takroriy buyurtma.

Sodiqlik va chegirma dasturlari

Kod, avtomatik chegirma, «X ol, Y ol», sodiqlik kartasi, sovgʻa kartasi, eWallet.

Hisob

Kassa jurnali, hisob-faktura, kredit-nota, bank solishtirish.

Rejalashtirish

Sotuvchilar smenasi, yetkazish va oʻrnatish tashrifi. Enterprise tarkibida.

Qurilmalar (IoT)

USB printer, tarozi, skaner. Enterprise tarkibida.

Boʻlim

Kiyim-kechak doʻkoni

Kiyim doʻkonida bitta model oʻlcham va rang boʻyicha oʻnlab variantga ajraladi. Odoo da model bitta mahsulot, oʻlcham va rang — atribut. Har kombinatsiya variant boʻladi va uning oʻz ombor qoldigʻi hamda sotuv jami yuritiladi. Buyurtmaga koʻp variantni bir oynada jadval orqali kiritish mumkin (Variant Grid Entry); bu funksiya Sales sozlamasida yoqiladi. Kassada variantni kassir sotuv paytida tanlaydi. Odoo oʻz sahifasida kiyim doʻkoni uchun shtrix-kod, kassa, onlayn katalog va buyurtmani doʻkondan olib ketishni koʻrsatadi.

Mavsum oxiridagi chegirmalar va sodiqlik qoidalari kassada dastur sifatida yuritiladi: kod, avtomatik chegirma, «X ol, Y ol», sodiqlik kartasi, sovgʻa kartasi. Qaytarish va almashtirish uchun Oʻzbekiston qoidasi bor: sifatli nooziq-ovqat tovarni xarid kunidan 10 kun ichida almashtirish mumkin, agar u ishlatilmagan, qadogʻi va isteʼmol xususiyati saqlangan boʻlsa.

Variant boʻyicha qoldiq va shtrix-kod; kassada variant tanlash: Point of Sale haqida
Qaytarish kassada asl chekka bogʻlanadi; qaytarish sabablari, tasdiqlovchi va muddat yozma tartibga solinadi
Chakana savdo qoidalari (75-son qaror): tovar haqida maʼlumot (shtrix-kod, kafolat muddati) xaridorga koʻrsatiladi; boshqa oʻlcham, shakl yoki rangdagi tovarga almashtirish nazarda tutilgan
Markirovka: Soliq qoʻmitasi sahifasidagi oltita guruh (tamaki, alkogol, pivo, maishiy texnika, dori vositalari, suv va salqin ichimliklar) ichida kiyim yoʻq. Roʻyxat oʻzgaradi, shuning uchun diagnostikada qayta tekshiramiz. Bolalar ichki va tungi kiyimi hamda oʻyinchoqlar 43-son qaror 4-ilovasining sertifikat boʻlimida, bolalar trikotaj kiyimi esa deklaratsiya boʻlimida
Halol cheklov: Odoo hujjatlarida mavsumiy kolleksiya uchun alohida tushuncha tasvirlanmagan; mavsum mahsulot teglari va toifalari bilan yuritiladi

—

Boʻlim

Uy-roʻzgʻor va mebel doʻkoni

Uy-roʻzgʻor doʻkonida mijoz katalogdan tanlaydi, tovar ombordan yoki buyurtma bilan keladi, baʼzan yetkazib berish va oʻrnatish ham sotiladi. Odoo da toʻplam (masalan, oshxona jihozlari) — «Kit» turidagi spetsifikatsiya: sotuv buyurtmasida bitta qator, yetkazishda esa har komponent alohida koʻrinadi. Hujjatga koʻra (kuzatilmaydigan toʻplamda), biror komponent tugagan boʻlsa, toʻplam sotilmaydi yoki yetkazish kechikadi. Odoo oʻz sahifasida mebel doʻkoni uchun kassada «hozir toʻla, keyin yetkaz» tartibini koʻrsatadi: yetkazish sanasi tanlansa, ombor hujjati oʻzi yaratiladi.

Yetkazib berish va oʻrnatish xizmati Odoo 20 da Planning ichidagi tashqi xizmat bilan yuritiladi: tashrif smena sifatida sotuv buyurtmasidan yaratiladi, ish varaqasi toʻldiriladi, mijoz hisobotga imzo qoʻyadi. «Under warranty» belgisi qoʻyilsa, smenadan qoʻshilgan material va xizmat summasi nolga tushadi.

Toʻplam (Kit), mahsulot variantlari va buyurtma boʻyicha keladigan tovar: ulgurji va chakana modullar
Avans va bosqichli hisob: hisob-faktura siyosati
Tashqi xizmat Odoo 20 da: Field Service Planning ichiga koʻchdi; Planning Enterprise tarkibida
Seriya raqami va taʼmirlash: Repair buyurtmasi «Under Warranty» belgisi bilan; maishiy texnika raqamli markirovka guruhida (2022-yil 15-apreldan)
Halol cheklov: Odoo sanoat sahifasida uy-roʻzgʻor doʻkoni uchun oʻrnatish xizmati tilga olinmagan; uni Planning bilan sozlashni diagnostikada baholaymiz

—

Boʻlim

Goʻzallik va kosmetika doʻkoni

Goʻzallik doʻkonida tovarning partiyasi va muddati muhim, mijozlar esa doimiy. Odoo da lot (partiya) va yaroqlilik muddati faqat kuzatiladigan tovarda yoqiladi: toʻrt sana kiritiladi (muddat, sifat pasayishi, ombordan chiqarish, ogohlantirish), FEFO strategiyasi muddati yaqin partiyani birinchi beradi. Odoo 20 kassada muddati oʻtgan tovar tanlansa, foydalanuvchini ogohlantiradi. Sovgʻa toʻplami — «Kit».

Sodiqlik dasturi, sovgʻa kartasi va eWallet doimiy mijoz bilan ishlaydi; sodiqlik kartasida avval mijoz tanlanadi, shundan keyin ball hisoblanadi. Parfyumeriya-kosmetika mahsulotlari 43-son qaror 4-ilovasining deklaratsiya boʻlimida. Texnik reglamentlar roʻyxatida kosmetika uchun alohida reglament topilmadi (gov.uz, 2026-yil 25-oktyabr).

Lot va yaroqlilik muddati: kuzatuv haqida; FEFO: yechish strategiyalari
Kod, kartochka, sovgʻa kartasi va eWallet; qoidalar sizning savdo siyosatingizga moslanadi
Mijoz bazasi shaxsga doir maʼlumot: rozilik va saqlash joyi, baza qayerda turishi kerak
Halol cheklov: kuzatuv har tovarga qoʻshimcha kiritish qoʻshadi, shuning uchun faqat muddatli guruhlarga yoqamiz

—

Halol qamrov

Odoo standartida nima bor va nimani qoʻshamiz

Chakana savdo jarayonlarining koʻpi tayyor ilovalarda bor. Soliq cheki, mahalliy toʻlov va marketpleys esa alohida ish. Maʼlumotlar Odoo 20 hujjatlari boʻyicha; sizning versiyangizda farq boʻlsa, diagnostikada tekshiramiz.

Vazifa	Odoo standartida	Qoʻshimcha ish (BUline)
Variantlar (oʻlcham, rang) va jadvalda kiritish	Bor: atribut, variant, Variant Grid Entry	Atribut tuzilmasini loyihalash va katalogni yuklash
Kassa: smena, qaytarish, sodiqlik	Bor. Kassa sahifasi	Rollar, qaytarish tartibi, sodiqlik qoidalari
Soliq cheki (onlayn yoki virtual kassa)	Odoo hujjatlarida Oʻzbekiston fiskal moduli bilan ulanish tilga olinmagan	Reyestrdagi kassa vositasiga ulanish; alohida loyiha sifatida baholanadi
Toʻplam (Kit)	Bor: sotuvda bitta qator, yetkazishda komponentlar	Toʻplam tarkibi va sotuv tartibi
Yetkazib berish va oʻrnatish xizmati	Bor: Planning ichida tashqi xizmat (Odoo 20, Enterprise)	Ish varaqasi shablonlari, mahalliy kuryer ulanishi
Yaroqlilik muddati va partiya	Bor: lot, toʻrt sana, FEFO, kassada ogohlantirish (Odoo 20)	Muddatli tovar guruhlarini belgilash
Muddatga qarab avtomatik chegirma	Hujjatlarda tasdiqlanmagan	Chegirma qoidasi va yorliq jarayoni; kerak boʻlsa maxsus modul
Onlayn doʻkon va marketpleys	Bor: eCommerce. Marketpleys ulanishi alohida baholanadi	Internet-doʻkon sahifasida tasvirlangan baholash

Oʻzbekiston talablari

Chakana savdo uchun umumiy mahalliy talablar

Quyidagilar rasmiy manbalardan tekshirilgan. Sizning doʻkon turingizga tegishlisini diagnostikada yozma roʻyxatga olamiz.

Kassa va chek

Naqd tushumi bor tadbirkorlik subyektlari onlayn yoki virtual kassadan foydalanadi; faqat davlat reyestriga kiritilgan vosita ishlatiladi (Soliq qoʻmitasi)
Chekda tovarning milliy elektron katalogi (MXIK) kodi aks etishi kerak; kodsiz kassa vositasi ishlatilmaydi
943-son qaror 4-bandining yangi tahriri 2026-yil 22-oktyabrdan kuchda: reyestrdagi kassa yonida ikkilamchi fiskal hisob tizimlaridan foydalanish taqiqlanadi. Chakana savdo korxonalarining avtomatlashtirilgan hisob vositalari soliq organlari axborot tizimlari bilan integratsiya qilinishi va davlat reyestriga kiritilishi shart. Odoo kassasining bu bandga tushishini soliq xizmatidan yozma soʻraymiz
Asosiy faoliyat turi savdo, umumiy ovqatlanish yoki xizmat koʻrsatish boʻlgan subyektlar 2026-yil 1-iyundan 2030-yil 1-yanvargacha soddalashtirilgan QQS tartibini ixtiyoriy tanlashi mumkin (Prezident farmoni PF-100, 2026-yil 26-may): barcha aylanmaga 6% QQS, foyda soligʻi 0%, xaridda toʻlangan QQS hisobga olinmaydi. Davlat ulushi 50% va undan yuqori korxonalar hamda yirik soliq toʻlovchilar uni tanlay olmaydi. Odoo ning Oʻzbekiston paketida 6% uchun tayyor soliq tilga olinmagan; qoʻllanishini buxgalter tasdiqlaydi
Onlayn kassa, virtual kassa va E-POS

Chakana savdo qoidalari va xaridor huquqi

Vazirlar Mahkamasining 75-son qarori (2003-yil 13-fevral): narxnoma, xaridorga tovar maʼlumoti, kassa cheki, qaytarish va almashtirish tartibi
Sifatli nooziq-ovqat tovarni xarid kunidan 10 kun ichida almashtirish mumkin; almashtirilmaydigan tovarlar roʻyxatini hukumat qoidalari belgilaydi (Isteʼmolchilar huquqlarini himoya qilish toʻgʻrisidagi qonunning 18-moddasi)
Nuqsonli tovarda xaridor almashtirish, narxni kamaytirish yoki bepul taʼmirlashni tanlaydi (75-son qaror)

Markirovka va tovar kodi

Soliq qoʻmitasi roʻyxati: tamaki va alkogol (2021-yil 1-yanvar), pivo (1-aprel), maishiy texnika (2022-yil 15-aprel), dori vositalari (1-sentabr), suv va salqin ichimliklar (2024-yil 1-mart)
2026-yil 1-iyuldan markirovkalanishi lozim tovarlarda elektron hisob-fakturada ruxsatnoma va kodlar, chekda esa kodning Asl Belgisida borligi va MXIK ga mosligi avtomatik tekshiriladi
Onlayn savdo: Internet-doʻkon sahifasi; MXIK: tasniflagich haqida

Rahbar uchun

Kun yakunida nimani koʻrasiz

Hisobotlar alohida jadvalga koʻchirilmaydi: ular shu bazadagi kassa, onlayn buyurtma va ombor harakatidan hosil boʻladi.

Savdo

Kassa sessiyasi hisoboti: kim ochgan, qaysi buyurtmalar bajarilgan
Toʻlov usullari boʻyicha tushum va naqd pul farqi
Kassir va kanal (doʻkon, sayt) boʻyicha sotuv

Qaytarish va sodiqlik

Qaytarishlar soni va sababi
Sodiqlik dasturi va kupon ishtiroki
Mijoz boʻyicha xaridlar tarixi

Ombor

Variant boʻyicha qoldiq va kam qolgan tovar
Muddati oʻtgan va yaqin partiyalar
Inventarizatsiya farqlari

Xatolar

Koʻp uchraydigan xatolar va oldini olish

Xato	Oqibati	Qanday oldini olamiz
Har oʻlcham va rangni alohida mahsulot sifatida kiritish	Qoldiq va hisobot tarqoq, katalogni yuritish qiyin	Bitta model — bitta mahsulot, oʻlcham va rang atribut
Muddat kuzatuvini hamma tovarga yoqish	Qabul va sotuvda qoʻshimcha kiritish koʻpayadi	Faqat muddatli guruhlarga yoqish
Qaytarishga cheklovsiz ruxsat	Yashirin kamomad	Tasdiqlovchi, sabab va ruxsat etilgan chegara
Odoo kassasi va soliq kassa vositasini bir-biridan ajratib oʻylash	Bir sotuv ikki joyda turlicha yoziladi	Ulanishni loyiha boshida va yozma tasdiq bilan hal qilish
Sodiqlik qoidalarini kassada sinamasdan yoqish	Chegirmalar bir-biriga toʻqnashadi	Qoidalarni sinov bazasida va bitta kassada sinash

Tayyorgarlik

Boshlashdan oldin nimani yigʻish kerak

Bu roʻyxat diagnostikani tezlashtiradi. Hammasi tayyor boʻlmasa ham boshlash mumkin.

Katalog

Modellar, oʻlcham va rang boʻyicha variantlar
Shtrix-kod va MXIK kodlari yoki ularning holati
Muddatli va markirovkali guruhlar

Doʻkon

Kassalar soni, printer, skaner, tarozi, terminal modellari
Joriy kassa vositasi va xizmat markazi bilan shartnoma
Internet sifati va uzilish holatlari

Qoidalar

Qaytarish va almashtirish tartibi
Sodiqlik va chegirma qoidalari
Rollar: kim nimani tasdiqlaydi

Savol-javob

Koʻp beriladigan savollar

Kiyim doʻkonida oʻlcham-rang matritsasi Odoo da qanday yuritiladi?

Model bitta mahsulot, oʻlcham va rang — atribut. Har kombinatsiya variant boʻladi va oʻz qoldigʻini yuritadi. Buyurtmada koʻp variantni jadvalda kiritish mumkin, kassada variantni kassir tanlaydi. Variantlar soni oʻsib ketmasligi uchun atribut tuzilmasini boshidan loyihalaymiz.

Qaytarish va almashtirishni Odoo yuritadimi?

Kassada qaytarish asl chekka bogʻlanadi va kredit-nota hosil qiladi. Muddat va shartlar Oʻzbekiston talabiga moslab sozlanadi: sifatli nooziq-ovqat tovar uchun qonunda 10 kun. Almashtirilmaydigan tovarlar roʻyxatini hukumat qoidalaridan oʻqib, diagnostikada belgilaymiz.

Bir tovar doʻkon, sayt va marketpleysda: qoldiq bitta boʻladimi?

Doʻkon kassasi va sayt bitta Odoo bazasida bitta ombor qoldigʻidan ishlaydi. Marketpleysga qoldiqni yuborish uchinchi tomon moduliga va uning oraligʻiga bogʻliq, shuning uchun alohida baholanadi. Internet-doʻkon sahifasi →

Kosmetika yoki oziq-ovqat muddatini kuzatish shartmi?

Odoo muddatni faqat lot yoki seriya bilan kuzatiladigan tovarda yuritadi. Kuzatuv har tovarga ish qoʻshadi, shuning uchun faqat muddatli guruhlarga yoqamiz. Muddati oʻtgan tovar kassada tanlansa, Odoo 20 ogohlantiradi.

Odoo kassasi soliq chekining oʻrnini bosadimi?

Odoo ning oʻz cheki soliq cheki vazifasini bajarishi hujjatlarda tilga olinmagan. Qonun reyestrdagi onlayn yoki virtual kassa vositasini talab qiladi, Odoo hujjatlarida esa Oʻzbekiston fiskal moduli bilan ulanish tilga olinmagan. Ulanish usulini diagnostikada koʻrib chiqamiz. Kassa sahifasi →

Xizmat qancha turadi va qancha vaqt oladi?

Odoo litsenziyasi foydalanuvchi soni va ilovalarga bogʻliq (shartlar odoo.com da). BUline xizmati hajmi doʻkonlar va kassalar soni, katalog hajmi, ilovalar, integratsiyalar, maʼlumot hajmi va oʻqitishga bogʻliq. Aniq xarajat va muddat bepul diagnostikadan keyin yozma taklifda beriladi.

Manbalar

Maʼlumot manbalari

Odoo

Bogʻliq boʻlimlar

SohalarIshlab chiqarish va agro-qayta ishlashOdoo ishlab chiqarish sohalari uchun SohalarUlgurji va distribyutsiyaOdoo ulgurji savdo va distribyutorlar uchun SohalarMehmonxona va ovqatlanishOdoo restoran, kafe va mehmonxona uchun SohalarSogʻliqni saqlashOdoo klinika, dorixona va tibbiy yoʻnalishlar uchun

Bepul diagnostika

Odoo da qaysi ilovalardan boshlash kerakligini birga aniqlaymiz

Diagnostikada jarayonlaringizni koʻrib chiqamiz va Odoo standarti qayerda yetarli, qayerda sozlash kerakligini aytamiz — ilovalar roʻyxati, versiya va bosqichlar bilan.

Ariza qoldirish Telegram orqali yozish YOKI QOʻNGʻIROQ QILING+998 77 275 36 15

Bepul diagnostika

Savdo

Ombor va ishlab chiqarish

Boshqaruv

Texnologiya

Oʻzbekiston

BUline bilan

Ilovalar

Platforma

Oʻzbekiston uchun

BUline bilan

BUline xizmatlari

Savdo va avtomatlashtirish

Aloqa kanallari

Nazorat va AI

Integratsiyalar

BUline bilan

Asoslar

Yoʻnalishlar

Amaliyot

Strategiya va kontent

Reklama kanallari

Organik oʻsish

Oʻlchov va analitika

Savdo va mijozlar

Operatsiyalar

Ichki ish

Tamoyillar

Продажи

Склад и производство

Управление

Технологии

Узбекистан

С BUline

Приложения

Платформа

Для Узбекистана

С BUline

Услуги BUline

Продажи и автоматизация

Каналы связи

Контроль и AI

Интеграции

С BUline

Основы

Направления

Практика

Стратегия и контент

Рекламные каналы

Органический рост

Измерение и аналитика

Продажи и клиенты

Операции

Внутренняя работа

Принципы

Sales

Inventory and manufacturing

Management

Technology

Uzbekistan

With BUline

Apps

Platform

For Uzbekistan

With BUline

BUline services

Sales and automation

Communication channels

Control and AI

Integrations